2016年11月25日

幼兒發展黃金期:學知識還是學自理?

替小朋友穿鞋子可能只需20秒,但我選擇給她5分鐘慢慢嘗試、失敗、找幫手,然後慢慢學懂。

有一次我趕住送言妹妹返Playgroup,心想每分鐘都係錢,遲到就「蝕底左」。出門時,言妹妹想試下自己著鞋,心急的媽媽望住佢搞錯左右、「姐手姐腳」,想衝埋去用9秒9幫佢著好,但此時腦海湧出一個想法 — 「若果帶佢去Playgroup係為左學野,點解又因爲趕時間剝奪佢學自己著鞋嘅機會呢?」



言妹妹自己穿上小涼鞋,完成後展露滿足笑容!


有說 0-6 歲是孩子學習的黃金期,腦袋就像海綿般吸收新知識。可是除了知識,學習自理同樣重要,過程中既可建立孩子的自信心、求知欲、解難能力和創造力,而且為父母省卻不少功夫!

記得在懷孕時聽過一個講座,張燊悅(現名楊張新悅)退出演藝圈後,已經是三女之母。她分享道,正因為自小訓練孩子自己執背包、多到大自然探索、放假不帶工人出街,帶住三個小朋友佢都可以打扮靚靚出街!

透過簡單的活動,父母既可以訓練孩子的自理能力,又可以讓孩子幫幫手!


讓孩子幫手晾衫,找出同款的襪子遞給媽媽


為孩子預備小背包,教導他們每次出門要把紙尿片放進去,培養他們執拾的意識



玩耍後自己收拾