「Shower gel 走樽吖，唔該。」
原來香港都有地方可以自攜盛器去買沖涼液、洗手液，同洗碗液！高質天然產品，但價錢卻非常親民：沖涼液$30/100ml，洗手液$22/100ml，洗潔精 $11/100ml。
波蘭天然護膚品牌 YOPE 喺海外市場大受好評，由2018年登陸香港，短短一年已經喺各區開設分店。今次我就去左位於尖沙咀K11 Musea嘅亞洲旗艦店，裝飾設計充滿波蘭特色，簡潔而美。原來Founder之一 Karolina 讀 Fine art 出身，難怪在店舖繞一圈就像去了一趟美術館。
說到 YOPE 的產品，從日常用的沖涼液、洗頭水、body butter、hand cream，到專為小朋友設計嘅兒童系列，甚至寵物適用嘅清潔劑都一一涵蓋。K11 Musea 店更有限定產品 Incense 香氛蠟燭，用來送予摯友閨蜜最好不過！
而最吸引我到訪 YOPE 嘅原因，就係旗艦店獨有嘅產品補充區。創辦人想將北歐走塑嘅生活模式帶到香港，鼓勵客人可重用 YOPE 空瓶或自攜個人盛器，將喜愛嘅產品盛載瓶內。只要妥善重用，塑膠樽嘅壽命就可倍增 — 源頭減廢向來比回收更重要！亦可以讓孩子從小建立可持續消費模式概念。
坊間天然產品很多，但未必每個人懂得看成分和標籤，因此 YOPE 在產品包裝上標明天然成分的 percentage，在選取原料時顧及敏感皮膚需要，拒絕對羥基苯甲酸、SLS、 SLES、 PEG 等化學成份。
為左下一代嘅未來，由今日開始改變我地嘅消費習慣啦！
Facebook: https://www.facebook.com/YOPEHK
YOPE HK 旗艦店:
Shop 210C, Level 2, K11 MUSEA, 18 Salisbury Road, TST