去日本旅行睇怕今年都無機會喇🥺 不過親子旅行訪問度超高嘅Legoland Discovery Centre (樂高®探索中心) 已經正式進駐香港，聽講同日本天保山個場有90%相似，以後唔洗飛都去到喇🥳
有別於大型主題公園Legoland，樂高探索中心位處室內，主要對象係3-10歲兒童，大概3小時玩得哂(當然小朋友通常玩到唔想走🤪）對於想喺市區spend一晝又想玩得特別啲，係一個不錯嘅選擇👍🏻
溫馨提示：
- 買飛後都要上官網預約入場日子！
- Legoland Discovery Centre 不接受成人單獨入場，所以大人想入場必須由小朋友陪同哦～
攻略分享
1. 雖然近入口嘅迷你天地®Miniland非常吸睛，不過建議可以影兩張相直衝入去玩咗先，因為其實離開時都會經過，可以玩哂主場再慢慢影。
2. 5歲內以上嘅小朋友可以參加「樂高®創意工作室」，每節人數有限，所以建議先排隊攞籌夠鐘就可以返去玩。
3. 另一個有時間限制嘅就係「樂高®4D動感體驗」。睇過咁多主題樂園嘅4D電影，呢套真心好好睇，特效有驚喜，想體驗記得坐較兩側位置！
其次較多人輪候應該係兩款機動遊戲「魔法轉盤」(適合90cm以上兒童)同埋「古堡歷險」，兩個都好好玩，千祈唔好錯過！
其餘時間就可以玩其他園區：
樂高®賽車場
自己砌lego車車去賽車，仲有不同賽道😎
樂高®得寶農莊
Lego Duplo系列比較大塊，好適合年紀比較細嘅小朋友，瞳妹妹勁鐘意不同動物嘅Duplo呢～
樂高®城市歷奇
以消防學院為主題嘅軟墊攀爬區，放電一流！
地震測試區
用Lego砌建築物然後即時測試不同地震程度，好玩又學到野😌
樂高®好朋友
Lego Friends系列嘅心湖城活現眼前，我稱之為「抖氣位」😆 坐定定砌吓，媽媽又可以休息下～
🟡 記得場中央嘅Lego鐘樓每15分鐘會報時，有條龍會出嚟，所以可以邊玩邊望住！
場內有Coffee shop，Donut $20@，Lego餐盒套餐$89(盒+Donut+一包果汁)，如果玩到餓要補給都唔錯～
玩完唔捨得走不妨去場外嘅Gift shop帶盒Lego返屋企，因為禮品店有獨家限定產品，唔係度度買到架😌
入場時/玩古堡歷險都可以付費買走具有紀念價值嘅digital相。一玩愛上嘅更可以上官網買Annual pass隨時再嚟玩！超級Lego迷仲可以考慮喺度搞生日會，場內嘅主題房間都好靚架：
LEGOLAND Discovery Centre Hong Kong
香港樂高探索中心
https://hongkong.legolanddiscoverycentre.com
📍尖沙咀梳士巴利道 18 號 K11 MUSEA 地庫 1 樓 B131-133 號
營業時間: 11:00 - 20:00 (最後入場時間19:00)