位於荃灣嘅 Cube O Discovery Park 佔地逾萬呎，大概是全港唯一一個單單以水母為主題的展館暨Playroom！未去嘅朋友，推介你哋暑假必須一遊～
光影海洋觀景窗
睇相都應該感受到，好大好壯觀！一入場就見到超多靚靚水母，配合光影投影、projection效果，兩姊妹都睇到嘩嘩聲！
夢幻水母萬花筒
以「巨大萬花筒」為設計概念，真實水母配合鏡影和燈光，無論置身現場定影相打卡都超搶眼！
VR 海洋探秘之旅
戴上VR眼鏡，一齊進入海底世界，睇睇水母嘅屋企！影片效果做得好靚，而且好有教育意義 — 我唔劇透住～ 記得親身去睇下！
水母實驗室
「水母如何進食？」喺水母實驗室就可以睇住工作人員將豐年蝦注入水缸，近距離睇住水母點樣進食。
海洋兒童樂園
小朋友大愛！以海洋為主題嘅兒童樂園有不同體適能挑戰，啱啱小朋友放電～
Cube O Cafe
Cafe 設於兒童樂園旁邊，好似言妹妹瞳妹妹都比較大嘅小朋友，爸爸媽媽大可以喺餐廳坐定定咁邊食邊睇住小朋友玩，簡直係家長喜訊😆
門票方面，探遊館提供多種選擇，由兩小時體驗、月票、年票都有！有興趣可以去官網了解更多～
浩海立方‧探游館
📍荃灣楊屋道 88 號 Plaza 88 - 8 樓