7.27.2020

【人奶路的無憾句點 - 母乳紀念品逐個數!】


第二胎的人奶路走了20個月,慶幸沒有太多痛苦經歷,反而一氣過造了多種母乳紀念品,讓這段專屬我和囡囡的回憶可以來個沒有遺憾的完結。

第一胎餵了8個月就停餵,完全來不及去留奶做紀念品,且當時市場上的款式都比較單一。今次想分享這四間我光顧的小店,附上我的用家短評。

四間母乳紀念品Workshop短評

1. Natural’s Beauty Handmade Skincare


餵了幾個月,屋企開始出現被冰奶打爆冰格的情況,而且瞳妹妹皮膏不太好,就想造母乳皂給她用。只要350ml人奶就可以造出十多塊母乳皂了,即使是平時BB飲剩的或是過期冰奶也可以用來造皂。

很喜歡 Natural’s Beauty 工作坊的老板有交帶又細心,大概兩個月後收貨看到美美形狀的母乳皂和印有瞳妹妹英文名的方型皂,真的很開心呢!

我選了低敏金盞花母乳皂,冬天天氣乾燥時,對於瞳妹妹容易敏感的皮膚的確很有效滋潤,我自己也會用來當洗面皂!



2. Precious Lifetime Memories 母乳寶寶的禮物 

另一樣很想很想弄的母乳紀念品,就是母乳首飾。今次一併訂造了兩件,印上兩姊妹的名字。其實真的找了很久才找到這間讓我有 “bling” 一聲的感覺(好像選婚戒般嚴選呢!),結果即使是位於新加坡,logistics比較麻煩,還是選了PLM(Precious Lifetime Memories)。

母乳首飾的製作要將母乳先消毒,再防腐處理,加上要用速遞將母乳送到新加坡再寄回來,前後花了兩個半月才收到貨!但成品實在很美很滿意呢~


運送人奶建議可將室溫的人奶放進儲奶袋,再放入另一個儲奶袋以防漏出,製作一件母乳飾物約需要20ml的母乳。經處理過的母乳放進首飾當中,可長時間存放而不怕變質哦!



3. Lampwork Art Store Treasures of Q(TOQ)

小時候很喜歡到Times Square的玻璃鋪看即席表演燒玻璃。沒想到在香港有可以讓我們母女一起體驗的燒玻璃工作坊,將母乳加入玻璃珠燒製,成為獨一無二的「母乳琉璃」。只要短短3小時即可將成品帶走不用等,更可以上一課「燒玻璃」速成班。


起初誤以為玻璃珠易爛不適合小朋友,但原來因為珠的厚度足夠,既不易爛,亦一樣不會腐爛,侵蝕或者風化,數十萬年都唔會分解,簡直可媲美鑽石呢!

一粒充滿層次嘅琉璃珠需要由不同顏色嘅玻璃棒逐層逐層組成,而將母乳加入的玻璃棒,會在琉璃珠當中產生bubble,所以每粒手製琉璃珠都是獨一無二哦。母乳琉璃所需的母乳份量比較少,大概10-20ml就ok,亦有提供寄奶代製服務。


其後我和朋友再去TOQ燒玻璃,竟然誤打誤撞遇上店主新創造的冰乳琉璃,和母乳琉璃的風格不同,是單純的透明玻璃珠配滲入母乳的裂紋,用來造頸鏈、耳環、或戒指都很適合呢!






4. Jewcells Jewellery

修讀珠寶設計的媽媽Cythnia為愛女創作獨特的母乳寶石,該是必定令女士們心心眼之選吧!有幸參加工作坊親手造我的母乳寶石,我選了「mini+me」系列,手繩顏色都可以自選呢~


母乳寶石的製作更加入「誕生石」和不同色彩的貝殼粉配搭,一顆寶石中蘊藏母乳和象徵孩子誕生月份的石頭(亦可加入爸爸的誕生石哦),配合金箔和經煮製的母乳粉,就成了獨一無二的寶石💎 絕對是愛好時尚感的媽媽之選。


跟Cythnia提過想在 blog 分享美美的母乳寶石,也順道為大家爭取到工作坊九折優惠~ 




只要在以下網址輸入優惠碼「Suetleimama」就可享優惠哦!https://bit.ly/2CG0wAP

如果想找Cynthnia代製也可以將母乳速遞製作,近來還有優惠呢:https://www.instagram.com/p/CCnyrnRDPEu/?igshid=z1e5cm5oapb2

喜歡我的分享請讚好(like)我的Facebook專頁吧 :)
你的讚好就是我寫下去的動力!

7.10.2020

【媽媽的感動:四歲囡囡第一次登台比賽】

  •  停課真係可以不停學?
  •  如果9月都唔復課點算?🤯
  •  偽 Gap Year 如何平衡學術與興趣發展?
  •  害怕第三波爆發又想小朋友暑假上吓興趣班?
朋友,我都是家長所以我懂。

宣布K2不復課那天,我幫言妹妹報咗英語朗誦班 透過video上課。終於,停課多月後,言妹妹有繼續「上堂」嘅感覺。

每堂15分鐘嘅 video class,頭幾堂要時間熱身是真的,但後來一埋位就同老師滔滔不絕用英文對話。雖然我哋平時都用英文同工人姐姐溝通,但老師嘅Accent標準得多,重新幫言妹妹練習Phonics發音!當然唔少得就係學習朗誦技巧,掌握表情同 body language 運用。

點解揀學朗誦? 
別人說 K2 開始要考 cert 儲 portfolio 預備報學校,但計我話,面試唔怯場先可以表現到自己嘅實力!坊間嘅面試班其實我麻麻地,因為我見到啲小朋友有時太造作⋯

言妹妹平日同我雄辯滔滔,但見到陌生人就變鵪鶉... 其實面試輸實力我真係覺得唔緊要,輸在怕醜我就覺得好唔抵囉!

英語朗誦班集英語會話、body language、manner,同膽量訓練於一身,我覺得比起面試班長遠更有用!

初次參加英國倫敦音樂學院LCM比賽

學咗個半月,適逢 LCM Speech Festival,老師就鼓勵言妹妹報名參加。其實媽媽我一開始覺得佢上台肯開聲我當贏~ 但原來呢位四歲小朋友嘅表現真係超乎我預期!比賽前一日喺屋企練習,成首短詩背熟哂,而且老師教嘅抑揚頓挫都喺度,言妹妹已經攞咗媽媽心目中嘅冠軍。

當然比賽表現要打個折,但媽媽真心覺得佢好叻!而且我好欣賞LCM比賽唔係只著重技巧。我哋個 session 有個小朋友,其實讀音動作樣樣野,完美得有點矯枉過正,結果三甲不入⋯ 外國人評判好著重小朋友表現自然流露,媽媽我突然覺得好被鼓勵 — 活出自我才最重要!

英國倫敦音樂學院頒發證書
雖說依家求其去個工作坊都有張Cert.,但LCM張證書有認受性,絕對可以為 Portfolio 加分哦!


如果想了解更多言妹妹上嘅英語朗誦班,可以去 https://bloomingtalents.com/ 查詢哦💁🏼‍♀️ 嚟緊8月又有LCM tell exam 同表演,有興趣都可以向 Blooming Talents 了解詳情。